Aizawl: LAD Minister MLA K Lalrinliana’n a bial, Kolasib chhunga kawng a enfiah.
Nimin zing kar khan Kolasib bialtu MLA hian PWD Kolasib division hnuaia Kolasib town road siam hna thawh mek chu Executive Engineer leh Sub divisional Officer, PWD Kolasib division te hruaiin a en kualpui a, hnathawh kal lai mek thawh dan leh la thawh hmabakte a hmunah a enfiah a ni.
May 5, 2022 atanga Kolasib Diakkawn field-a KTP General Conference neih turah inbuatsaihna kalpui mek zel a ni a, chuta tana pawimawh tak pakhat pandal panna kawng siam hna PWD-ten an thawh mek chu bialtu MLA hian enfiahin pandal sak mek tlawh nghal bawkin, MLA-LAD fund hmanga hnathawhte leh LAD hnuaia pandal bula hnathawh hrang hrangte pawh minister hian a enfiah nghal bawk.
LAD Minister K Lalrinliana hian PWD E.E leh SDO te chu hna tha tak leh chak tak a thawk turin a chah a ni.