Italy a cup inchawina Coppa Italia final-ah Juventus leh Italy champion Inter Milan te an inkhel dawn a. Nilaini zanah Bianconeri in Fiorentina 2-0 a hnehin 3-0 aggregate in final an lut.
Florence a first leg inkhelah Juventus in huntawp dawnah own goal neiin hnehna an chang hram tawh a. Nimahsela Turin a an mualah second leg erawh an thunun.
Goal hlauhawm an neih angte erawh a tluan tling hleithei lo thin a. A team hlui hmachhawnin Serbian striker Dusan Vlahovic-a’n goal khungna hun a nei a hman theih loh hnuah minute 32-naah Federico Bernadeschi chuan goal a khung.
Second half-ah Adrien Rabiot chuan an goal hnihna khung mahse offside avangin pawm a ni lova. Huntawp dawn tawhah Fiorentina in goal khung tuma Juve goal lama player an inthawn phei chu Danilo-a’n remchangah a la a. Juve chakna tichiang turin goal a khung.
Coppa Italia final hi May 11-ah an khel ang.