Forest department-in NOC an hnuh- kir avangin 132 Kv line hmanga Bairabi atanga Mamit kaltla- nga W. Phaileng thle- nga eng lakluhna tur hna thawh mek a huna zawh theih a ni dawn lo.
Rs. nuai 5,495 senna tura ruahman Bairabi atanga Mamit kaltlanga W. Phai- lenga eng lakluhna tur hi kum 2019, Jun ni 15 ah tan niin, May 2022-a zawhfel tura tih ni mahse, Forest department-in NOC an hnuhkir avanga harsatna thleng chu chu tun thlenga chinfel a la nih loh avangin zawh hun tura tihah an zo thei dawn lo nia thudawn a ni.
P&E Mamit division-a EE Thanglura’n a sawi danin DPR siam hmain Forest clearance lak ngai lo turin no objection certificate (NOC) an hmu a, DPR siam a nih hnuah Forest department lamin NOC chu an hnuhkir leh tak avangin harsatna an tawk ta a. Forest clearance dil leh mek niin, an dilna hian Regional office, Shillong a thleng tawh niin a sawi.
132 Kv line hman- ga Bairabi atanga Ma- mit kaltlanga W. Phai- leng thlenga eng lakluhna tur chak zawka kalpui a nih theihna tur chungchang sawihovin nimin khan Mamit bawrhsap Lalnunhlua, CE P&E Lalbiasanga, MJA Ma- mit district aiawh, Jt VC Mamit hruaitute leh rorellai MNF party block hruaitute chu Mamit bialtu MLA H Lalzirliana hovin an thukhawm a. Bialtu MLA chuan harsatna awm sutk- iang tura umzui ngai awmte chu deptt. lam- in chak zawka an um- zui a tul thu a sawi.
Mamit bialtu MLA chuan a ni pawhin Forest clearance hm- uh thuai a nih theihna tura theih ang ang lo umzui a tum thu a sawi a, department lam pawh tha thlah lova tan la turin a ngen a. Mimal ram chhunga ban phun leh hrui pawh chungcha- nga harsatna awm lo bawhzui turin District bawrhsap an ti bawk.
Bialtu MLA hova thukhawm chuan he hnathawh mekah P&E department a mal kal lutuk avanga harsatnate thleng nia a lan thu leh a tir atanga an kalphung a fuh tawk loh vanga inpal hna- wk ta an nih thu an sawi a. Insiamthat tulna laiah insiamthaa tan la zual turin an infuih bawk.