Vaihlo company nena an thawhhona vanga nasa taka sawisel a tawh hnu ah Bollywood superstar Akshay Kumar chuan contract a ziah thar hlim hlawlna company brand ambassador nihna atangin a inhnukdawk ta tih a puang.
Heti ang hian
“Pawi ka ti hle mai. Fan te leh min duhsaktute hnenah ngaihdam ka dil. Tunhnaia min chhanlet dan te khan keimahah nghawng a nei na hle. Vaihlo fak leh tihlarnaah ka tel ngai lova, ka intatluh ngai lo bawk ang. Vimal Elaichi nena kan inzawmna chungchangah in ngaihdan in sawi te avang khan ka inhnukdawk leh ta a, ka tel chhunzawm tawh lovang,” tiin social media lamah a tarlang.
Akshay chuan hun lo la awm turah fimkhur zel nan a hmang dawn a, duhsakna leh hmangaihna a dawn te chhawm nung zel a, thutlukna fel fai tak siam thei tura a insiamrem tur thu a sawi bawk.