Indian Army Chief General MM Naravane chuan ni hnih châma India hmarchhaka venhimna dinhmun enin a zin a, Ningani khan Nagaland-a Dimapur-ah a thlawk lut.
General Naravane hian a châm chhungin Arunachal Pradesh leh thenawm ram inrina bawra sipaiten beihpui an thlak a tul hun atana inbuatsaihna an kalpui dan leh hmarchhaka venhimna dinhmun a en.
“Dimapur-a Corps Headquarters-a army chief lo thleng hi Lieutenant General Johnson Mathew, Commanding Spear Corps general officer leh division commander-ten lo dawngsawngin hmarchhaka ramri venhimna leh beihpui thlakna kawnga inbuatsaihna kalpui dante an lo hrilh fiah,” tiin defence thuchhuah chuan a tar lang.
General Naravane hian hmarchhak a tlawh hma, Nilaini khan Indian Army chuan Chinese sipaite chet dan, Ladakh chhehvela drill an neih dante a thlithlai reng a. Pangong Lake bula innghingnghona an neih hnua an inrem leh hnuah bawhchhiat a la awm lo niin a sawi.
Sipai lal hian ram pahnihte hian Ladakh bakah hmun danga inrem lohna an neihnaah pawh inremna an neih zel a beisei tih a sawi bawk.
Army chief hian inrem lohna awm theite chu pumpelh hram a duh tih a sawi a, chutih rual chuan Indian sipaite hi Ladakh khawchhak lama Line of Actual Control-a India tibuai zawnga chetna awm chu an chhang let zel dawn tih a sawi bawk.