A bul thut atangin infiamna chawikan ngai pawimawh

Aizawl : Sports Development Board Vice Chairman TC Pachhunga chuan Mizoram sorkarin a bul thut, naupang atanga infiamna chawikan a ngaih pawimawh thu leh theihtawp chhuaha hma a lak mek thu a sawi.
Inrinni khan Thenzawl Zone Football Association te’n naupang kum 10, 14 leh 17 tana an buatsaih, kar hnih chhung awh 3rd RP Store Football Tournament kharna hun Thenzawl Lothazawl Football Ground ah hman a ni. Tournament kharna TZFA President Liantluanga Renthlei kaihhruaiah khuallian TC Pachhunga, MLA chuan thu a sawi a. Mizoram sorkarin infiammite tan theihtawp a chhuah mek tih sawiin, sorkar chuan a bulthut, naupang atanga infiamna chawi kan a ngai pawimawh thu a sawi a. Infiamna hrang hrang a bikin, football-ah Mizo infiammi te’n hlawhtlinna nasa tak changin, eizawn nana hmang tam tak an awm tawh a, tih tak taka ti tan dinchhuahpuina a awm tih hriaa a, infiammite theihtawp chhuah zel turin a fuih.
Tournament kharna inkhawm tawi neihah hian tournament buatsaih nana sum thawh tu HK Lallawmkima pawhin thu a sawi bawk.
TZFA te hian naupang zirna tibuai lo thei turin zing leh tlaiah football tournament hi an buatsaih thin a. He tournament-ah hian Thenzawl leh a chhehvel khaw hrang hrang YMA Branch huamchhunga naupangte telin, Inrinni khan final khelh niin, lawmman sem nghal a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427