India-ah hri kai pung hret

India ramah Covid-19 hmuh chhuah chu a pung leh hret hret nia ngaih theih a ni a, ni hnih a zawnin mi 2,500 chuang kai hmuh a ni leh ta.
Darkar 24 liam ta chhung khan mi 2,593-in hri leng an kai tih hmuh chhuah a ni a. Kar khat liam ta chhungin Thawhlehni tih loh kha chu ni tin mi 2,000 chuang kai hmuh chhuah ziah a ni.
Darkar 24 liam ta chhung khan mi 44-in Covid-19 hi an thihpui leh hman bawk tih union health ministry chuan a tar lang.
Hri kai enkawl lai pawh an pung leh hret hret tawh a, darkar 24 liam ta chhungin mi 794-a pungin mi 15,873 an awm leh tawh a. Hri kai hmuh chhuah tawh zawng zawng atanga chhutin 0.04% an ni leh tawh.
Kar liam ta chhungin India-ah hian Covid-19 kai hi mi 15,538 hmuh chhuah hman an ni a. A hmasa chawlhkarah chiah khan mi 6,826 hmuh niin a let aia tamin an pung tihna a ni.
Delhi-ah chuan hri kai mi 1,094 hmuh thar niin endik zinga 4.82%-in an kai a. A hma ni chiah khan mi 1,042-in an kai bawk.
Maharashtra-ah pawh mi 194 kai hmuin March 25 hnua kai hmuh tam ber ni an tawng a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427