NBA playoffs: Tla thei dinhmunah Nets ding

Tunlai basketball a offensive star tha ber pahnih nei mahse Brooklyn Nets in beisei an pha lo leh dawn a ang hle a. Boston Celtics lakah 109-103 a tlawmin Eastern Conference Playoffs first round series ah 3-0 in an hniam a. Vawi khat an tlawm leh chuan an tla ang.
Barclays Center a inkhelah Brooklyn in Kevin Durant leh Kyrie Irving te an nei a. Mahse Celtics in an tan ‘game plan’ hlawhtling tak an neih chu an hmang leh a, danglamna siam khawpin ‘offense’ Brooklyn in an khel thei lo.
An pahnihin point 16 ve ve an score a, assist vawi 8 leh 9 nei bawkin Nets tan Bruce Brown chuan point 26 score in an team ah point a score hnem ber a. Nets star pahnihte ven an nih tlat avangin hneh zawka point score mawhphurhna la thei an awm lo.
Lehlamah Celtics tan Jayson Tatum chuan point 39 a score a, Jaylen Brown chuan point 23 a score a. An pahnih hian an team ‘defense’ khelhah tangkai hle in Nets in turnover 21 an neih atangin point 37 an nei.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427