Hrisel taka nau pai dan

CHHUAH HUNA INULUK
Chhungte tlawh tumin i chhuak emaw, bazar-ah i kal emaw Damdawi In-ah i lut a nih pawhin fimkhur hle ang che. I taksa a chak tawk loh vangin natna inkaichhawn theih (infection) neih a awlsam hle tih i hriatnawn fo a tha.

CHAW TLEM, EI DEUH RENG
Nulat laia mitmei ven leh hmaizah reng pawh nei lova ei nghek leh ei tawk ang chi kha tunah hian riltam-in, rawp viau pawh ni la, a remchang tawh lo. Chu ai chuan, tlem te te-a ei a, nikhata vawi 4-5 ei te pawh a tha daih tawh zawk. Chaw huat leh luak-chhuak a tiziaawm thei a ni.

INTHIARFIHLIM HUN HRIAT
Hnathawhna hmunah emaw In chhung leh a vela teikual mai maina ah pawh invenna tur tam tak a awm a. Mipui zi nuai nuai leh hmun fai lo a kal a tha lova, din reng ngai ang te pumpelh tur a ni bawk. Rit chawi a hlauhawm tawh a, thatchhe si lova indimdawih a tul hle tawh ang.

EI TUR THALAM
Friege-a dahvawh ei nghal buan buan te, chaw leh chawhmeh thing ei tawp tawp te hi a him lo. Naupai lai hi chuan ei tur tharlam (fresh) tak lakluh tluk a awm lo.

EI THA LEH HRISEL
Ei châk ringawt melh zuk zuk te, thil rawp bak ei tum miah lohna te hi a tha lova. Ei leh in-ah khan vitamin tha a awm em? tihte enfiah fova, doctor-in vitamin supplement ei tura a chawh che chuan thuawih taka ei mai tur a ni. Midang rawn kual vak vak a him ber lo.
ZU LEH ZIAL BANSAN
Nangmah mai ni lo, In chhunga i chenpui te pawhin zu lo se duhthusam a ni a. I rila rah naute hrisel i duh chuan Zu leh Zial inchiahpiah na hmunah i awm tur a ni lo hrim hrim. I tan pawh a tha.

INSAWIZAWI
Taksa insawizawi tihah hian thlan tlaphunga tih ngai chi a kawk kher lova. I tana tha ber chu Zing boruak thiang tak hnuaia ke-a kal (Morning walk) neih thin hi a ni.

DAMDAWI
Doctor-in ei tura a chawh che a nih loh chuan mahni thu emaw midangte thurawn emaw vanga ei tur a ni lo. Naupai hmâ zawnga i tana pawi lem lo, damdawi pangngai ve mai te pawh naupai hnu hian nghawng tha lo a thlen rang em em a, naute thanlen zelna tur a tibuai thei.

RAN VULH
Naupai lai hi chuan In-a ran vulh te hi chul nel a, an bul hnai vela awm loh a tha ber a. Thil pawi thei leh a him chin te hriat i duh chuan doctor rawn mai a finthlak ber.

RILRUHAH
Naupai laia insawiselna neuh neuh laka ziaawm tur leh naute hriselna atan hemi hun chhung hian rilruhahna laka inthiarfihlim hram tur a ni a, engthawlna zawn hram a tha.

ZIN VEI VAH
Hmun hla lo te a nih chuan a pawi lem loh laiin, hmun hlâ tak tak zinna tur ang chi leh kawng chhia/tha lo a kal a ngaih chuan, ‘cancel’ ang che. A tir thla thum chhung chu zin loh a tha ber.

AWMDAN
I thut dan te, din dan te leh mut dang thleng hian tunhmâ zawng aia fimkhur lehzual a ngai dawn ta a. Pheikhawk sâng te kha dahbo hrih rawh le. I thut pawhin thu ngil thin la, i din pawhin din ngil theih hram tum ang che. Khum atanga tho thut lovin, zawi muangin i taksa kha i siamrem hmasa phawt thin dawn nia.

THAWMHNAW
Tunah chuan i inhmeh emaw tunlaia design chhuak thar lam kha zawng buai tawh suh. A hun tawh lo. Hahdam taka i awm theihna tur leh nangmah phuar lova, chet vel pawh harsa loa siam theitu tur ‘dress’ kha a pawimawh ta e.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427