India ramah darkar 24 liam ta chhung khan coronavirus kai mi 2,927 hmuh chhuah leh hman niin mi 4,30,65,496-in an kai tawh.
Union Health Ministry-in a chhinchhiah dan chuan hri kai enkawl lai pawh pung leh hretin mi 16,279 an la awm.
Darkar 24 liam ta chhung hian mi 32-in hri leng hi thihpui leh hmanin mi 5,23,654-in an thihpui tawh.
Hri kai enkawl dam aiin a kai hmuh chhuah thar an tam zawk avangin enkawl lai hi mi 643-in an pung leh hman a. Hri kai hmuh tawh zawng zawng atanga chhutin enkawl lai hi 0.04% an la ni mek a, 98.75% erawh enkawl dam an ni tawh thung.
Darkar 24 liam ta chhung hian sample endik zinga 0.58% chuan hri an kai tih hmuh a ni a, chawlhkar khat liam ta chhunga endik zinga 0.59%-in an kai bawk.
Hri kai enkawl dam tawh zawng zawng hi mi 4,25,25,563 an ni tawh a, thihpui hi 1.22% an ni bawk a. Darkar 24 liam ta chhunga mi 32 thi zinga mi 26 chu Kerala-a mite niin Maharashtra-ah mi pali leh Delhi leh Mizoramah mi pakhat ve vein an thihpui bawk.
Nikum January thla laihawl avanga invenna pek beihpui thlak kal mek zelah vaccine dose vaibelchhe 188.19 chuang pek a ni tawh.