Pawngsual thubuai awrh,
Tuartu nihna sawichhuak

India rama film proudcer lar leh actor ni bawk Vijay Babu chu hmeichhe filmstar pakhat pawngsual thubuai-ah hlin niin, Facebook live session pakhatah a hming lehzel a tarlan vangin a lakah thubuai siamsak a ni.
Pawngsual tawktu nia insawi hian Babu hi thubuai siamsak a nih atang khan a bibo zui a, Facebook live session-ah inlanin, hetah hian police te chuan pawngsual thubuai dang an siamsak nghal.
Facebook live session-ah hian thiam lohna pakhatmah a neih loh thu a sawi a, dik lo leh fel lo taka puh a nih thu Babu hian a sawi.
Production company, Friday Film House neitu chunghchangah senior police officer pakhat chuan, “A hmasa berin pawngsual thubuai siamsak a ni a, a tuartu hming leh nihna a sawi chungchangah thu-buai dang ziahluh a n bawk. Tunah hian hmuh mai theih a ni lova, a tlanbo ni ngeiin a lang,” a ti.
Pawngsual tawk nia insawi hian April 22 khan police-ah complaint thehlut in, tharum hmanga beihna a nih dan te leh mipat hmeichhiatna hmanga tihchhiat a nih dan te bakah thla khat leh a chanvel kalta chhung khan kawng hrang hranga tihhrehawm a nih dan te a thlen.
Thawhlehni liam ta khan Babu hian Facebook live-ah an puhna hi a pha nasa hle a, hmeichhe filmstar nia sawi nen hian kum nga kalta atang tawh khan an inhre ngeitih erawh a pha lo. Intihhminghchhiat thubuai siamlet ve ngei a tum tih a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427