I hriatpui miah loh khan thianthate’n i damkhua an tisei thei. Zirchianna thar bera a lan danin, chhungkua leh thiante nena awmho dal dal thinte hi mahni-a tla hrang thinte aiin 50% zetin an damrei tih a ni a, a awmzia chu kum 3.7 velin an nunna hi pawhsei sakin an awm.
Chhungte leh thiante bula khawsa ngai lote zingah Zu leh thil tha lova inhmanna a sâng bik hle a, chu chuan thau luat (obesity) leh taksa chak lohna a thlen nasa bik.
US-a zirna In lar, Brigham Young University-a mithiam, Bert Uchino chuan, “Thiante leh min duhsaktute avang hian nun a hlimawm phah em em a, nitina khawsak phung pawh a zangkhai phah hle a ni.
“Heng mite hian pawisa an puk tir thei che a, motor-in an thlah thei che a, nau awm thlengin an pui thei che. Hriselna kawng hmang an hrilh dawn che a, doctor entir turte leh ‘exer’ la thin tur te thlengin thurawn tha tak tak an pe thei a ni.
“Chu taka chu, mahni-a tla hrang leh thian nei lem lote’na an dawn ngai loh chu a ni a, kawng tam takah an nihlawh,” a ti.