Beiseina sang tak nena rimawi khawvelin a thlir mek laiin ABBA member pakhat Bjorn Ulvaeus chuan group reunion chu ‘risk thleng ngei ngei tur a a ni, a ti.
Swedish pop icon te hian nikum november khan kum 40 hnu lama hmasa ber ni turin ‘Voyage’ album an tichhuak a, hlut a hlaw hle. May 27 hian London khawpuia Queen Elizabth Olympic Park-ah ‘revolutionary’ concert an nei dawn nghe nghe.
‘Voyage’ album hian tlangzarh atanga thlakhat chhung lekin Platinum a kai pha a, ABBA tana Grammy nomination hmasa ber a hmuhpui bakah an single, ‘I Still Have Faith In hyou’ chuan kumina ‘Record Of The Year’ dawng thei turin a dinhmun a tha.
Heti taka hlawhtlinna an changleh chung pawh hian Ulvaeus ngaih a tha chuang lova, reunion hi risk sang lutukah a pawm. The Sunday Times-in a kawmnaah, hun rei tak music an chawlhsan hnu-a an kir leh chu lawmawm mah se, ngiahtuahtur leh hlauhthawn tur a tam, a ti.
“Risk nasa tak thleng ngei ngei turah ka ngai. MI tam tak chuan an pawm lo mai thei. A chang phei chuan, zing dar li ah te ka harh a, ‘Engnge maw kan lo tih ve reng reng le’ tiin ka inkhap buai fo a ni,” a ti bawk.