Aizawl : Health Minister Dr. R. Lal- thangliana’n nimin khan Hnahthial Baw- rhsap pisa-ah Hnah- thial district-a officer te a kawm a. Hnahthial district thara hmalakna, mamawh leh tul te hre tura inkawmho rawt a nih thu a sawi.
Dr R Lalthangli- ana chuan officer ten an mamawh, bawh- zui mai theih chi an sawi te chu ziaka a hnena thlen turin a hrilh a. Hnahthial Press Club hmun tur tihfel thuai a duh thu pawh sawiin, a hmun-hma tur a fel veleh a sakna tur sum pawh chak taka dap nghal a tum thu a sawi.
Sorkarin Hnahthial district chhunga hmasawnna hna a thawh mek leh hmachhawpte pawh sawiin, tunhnaiah Bangladesh Commerce minister Tipu Munshi nen insumdawntawn leh inkalpawhna kawng chungchanga an inbiak thu pawh a sawi a. Hei hian Mizoram tana rahtha tak a chhuah zel a rin thu a sawi bawk.