Nimin zing khan Siaha atanga Aizawl pana tlan Nano car chu Sialsuk leh Thenzawl inkarah chesualin a chhunga chuang mi pathum zinga pakhat a thi.
Sialsuk VCP R.Lalruatkima hnen atang thudawn danin, New Colony Siahaa cheng Zohmingi leh a tute pahnih chu Aizawla an chhungte damlo ngaihtuahawm tak tlawh turin Thawhlehni zan khan Siaha an chhuahsan a, tukin dar 9:30 vel khan Sialsuk leh Thenzawl inkar, Sialsuk ram chhungah kawng thlangah an tlan liam a, metre 100 vel an lum a ni.
Lirthei hi a chhe hneh hle a, a chhunga chuang pathum zinga mi, Zohmingi chu a hmunah a thi nghal a; mi dang pahnih erawh chuan hliam na lutuk lo an tuar. Zohmingi ruang hi Sialsuk damdawi inah posrtmortem a nih hnuin an khua panpui a ni.