Bollywood gossip inpui ni hiala sawi thin, ‘Koffee With Karan’ (KWK) show hit tak chu a tawp dawn ta a, host Karan Johar-a’n instagram kaltlangin kalpui a ni dawn lo, a ti.
Film siamtu lar hian, “Koffee With Karan hi ka nuna bet tlat a ni a, nangni pawh in nh ka ring. Season 6 kan hmang tawh a hemi chhung hian nghawng a nei na hle a, pop culture history-ah pawh hmun pawimawh tak a changpha. Tunah erawh ngaihtuahna rit leh rilru hrehawm takin Koffee With Karan’ hi a tawp ta, tih a ka puang e,” tiin a ziak.
He show hmuhnawm leh Bollywood khawvel pholanna hmuhnawm, mit la leh ngaihnawm bawk si hi November 2004 khan TV-ah tihchhuah tan ninn, season hnuhnung ber hi 2018 khan Star World kaltlanga pekchhuah a ni.
Season 6 kalta chhung khan KWK ah hian thil chhinchhiahtlak, sawi hat tling, inhnialna chawkchhuak leh hlimpui tur te nen lam en tur a awm.
Hetih lai hian, KWK tawp mai tur anga puanzar hi boruak vawrh lar tumna leh siam hot tumna anga sawi te pawh a awm mek. Indianexpress tarlan danin, KWK hi isney+ Hostar-ah pekchhuah tum niin, Karan Johar hian marketing thiam tak a tihna mai a ni, tiin a ziak.