Paris Saint-Germain forward pahnih Lionel Messi leh Neymar te chu 2021-22 Ligue 1 awards-ah lawmman dawn thei zingah telh an ni lo.
Khawvel football a star lar pahnihte hi tun season-ah PSG in French record tluk tura league title vawi 10 an lakna kawngah tel ve mahse chawimawina dawng thei tur zingah chhawpchhuah an ni lo.
Nilaini khan French players’ union chuan tun season chawimawina dawng thei turte a chhawpchhuak a. Anni pahnih bakah head coach Mauricio Pochettino pawh a tel lo.
Argentine coach hi Europe huap inelna lamah beisei anga a team an chet loh avangin Parc des Princes-ah a hma hun a chiang lo mek.
Player of the Year dawng thei zingah Kylian Mbappe a tel a, AS Monaco striker Wissam Ben Yedder, Marseille star Dimitri Payet, Lyon playmaker Lucas Paqueta leh Stade Rennais forward Martin Terrier te chawimawina dawng thei dang an ni.