Central YMA leh Cricket Association of Mizoram tangkawp buatsaih Inter Branch YMA Cricket Tournament vawi 11-na chu an inthlifim tan a. Vawiin atangin a sang pariat an inkhel dawn.
Khawchhia in Nilaini inkhel a tih khaihlak avangin Ningani atan match hnih sawn a ni a. Durtlang leh Ramhlun South te inkhel chu Ramhlun Sports Complex-ah zing dar 9-ah chhunzawm a ni a. Wicket 9 in Durtlang an chak.
Chawhnuah Ramhlun Venglai leh Govt. Complex inkhelin wicket hnihin champion lai Ramhlun Venglai an chak ve thung.
Quarter-final chin hi Sihhmui a Suaka Cricket Ground-ah khelh tur a ni a. Zemabawk leh Ramhlun Venglai te dar 9-ah an inkhel anga, chawhnu dar 1-ah Luangmual leh Hunthar an inkhel ang.
Naktuk zingah Chaltlang leh Chanmari an inkhel anga, chawhnuah Durtlang leh Armed Veng an inkhel ang.