AZL: Dr. Vanlalthlana, MLA, Aizawl North II chuan ni nga chhung a bial fangin bial chhunga hnathawh hrang hrang leh zirna inte a tlawh kual.
Dr. Vanlalthlana chuan a bial chhunga MLA fund hmanga hnathawhte a enfiah a, “Hnathawh tha lo leh duhthusam tawk lo deuh nia langte siamtthat zel nise, a pum puia lakin kan hnathawhte a lawmawm ka ti,” a ti a. “MLA fund hi mipuite ta a nih ang ngeiin mipuite tan, khawtlang leh ram hmasawnna atan kan hmang tur a ni a; kan hnate a thain kan hnathawhah kan rinawm tur a ni,” a ti bawk.
Dr. Mathlana hian a bial chhunga zirna in hrang hrang – primary school, middle school, high school leh higher secondary school te a tlawh kual bawk a, zirtirtuten lo dawngsawngin inkawmhona hun tha tak an nei a, an mamawh an thlente ngaihtuahsak a tiam a, class room-ah zirlaite hmaah thu a sawi bawk.