Rock & Roll Hall Of Fame 2022 atanga inhnuhdawh zet hnu-ah Dolly Parton chu Eminem, Duran Duran leh Lionel Richei te ruala sengluh a ni dawn ta.
Anni rual hian Eurythmics, Carly Simon, Judas Priest leh Pat Benatar te pawhin hming an nemai ve dawn a; shortlist-a tel- Kate Bush, Beck, DEVO, Fela Kuti, MC5, New York Dolls, Rage Against The Machine leh Dionne Warwick te chuan final cut-ah an tla thung.
Artist, historian leh msuic industry professional 1000 aia tamin vote an thlaknaah hian thalaite rimawi ngaihthlak leh buaipuina lama nghawng na tak thlen thei te leh rock n’ roll kalphung sawi danglam dawrh thei hnena hlan tur a nih miau vangin an duh uluk thin hle a ni.
Kumin 2022 hi Hall-in kumtin induction ceremony a neih 37-na chiah a ni a, November 5 hian Microsoft Theater, Los Angeles-ah lawmluh an ni ang.
Dolly Parton hian a tira a hming phoan a nih khan rock n’ roll huanga artist te chauh dawn turah a lo ngai a ni awm a, huang khata awm ve lo a nihnaah hriatchian tawk loh vangin a tirah khan a inhnukdawk ta mai niin, a sawi.