Mahni hnahthawhna leh chemkalnaah pawh nise, thil thar leh ngaihtuahna thar (creativity) neih zel hi a pawi-mawh em em a, chutih laiin hmehchhuah theih emaw lakchhuah theih mai erawh a ni hauh si lo. Anih leh engtinnge ‘Creaitive’ taka thil kan tih theih ang?
Lehkha chhiar rawh
‘Creativity’ nei tha tur chuan lehkha chhiar zau hi a pawimawh a ni mai lova, a lairil mu a ni pha. Lehkha i chhiar khan rilru i tithar a, idea thar neihna tur kawng a inhawng nghal thin. Lehkhabu thenkhatah phei chuan mimal harsatna chinfel dan thlengin i hmu ang. Lehkha chhiar hian ngaihtuahna a tikal thui a, a vahvel tir a, chu chu ‘creative’ taka thil tihna tur atan a hnarkaitu ber a ni lawi si.
Thluak hmang rawh
Mihringte thian thluak chakna hi hmun sawma hmun 3 vel pawh kan hmang tling lo tih a ni a, zawh-na chhan tam tum la, crossword thai te, sudoku chhan te leh a chhanna en mai lova ngaihtuah chhuah tumna te hi a tam thei ang bera kalpui ang che. Ngaihtuahna hman tam a ngai a ni mai.
Chawl phawt rawh: Hna avanga i hah emaw chauh lutuk chuan chawlh lak vat a tha. Thut vung vung a, ngaihtuah ut ut ang chi erawh a tha ber chuang lova, harsatna chinfelna atan a rintlak ber lo bawk. Lockdown zawh hunah fimkhur takin ah teichhuak la, inthing harh thin ang che.. Thluak tha tak nei tur chuan ‘oxygen’ tharlam hi a pawi-mawh em em a, Thluakin a nih tur ang a nih chiah hian ‘creative’ takin thil a tihtheih tawh thin.
Thawk reng suh
Taksa chauhna hian ngaihtuahna thar neih theihna tur a tiphui thin a, taksa leh rilru-ah i pangai chiah lo nia inhriatna i neih chuan kal-chhuak la, hmun fianrial leh remchangah te hun hman tum rawh. Infiamna (hahthlak leh thlan tlak chiamna tur ni lo) neih tum la, Varandah-ah te pawh kal chhuah a, hawi thawven te hi dawhkan bawha ngaihtuah ngur ngur ringawt ai chuan a finthlak zawk bawk.