A hun laia khawvela hmeichhe ngaihven hlawh ber tihngam Marilyn Monroe hak tawh dress nena inthuam mai ni lova, kar thum chhung lekin a rihna kg 7.3 a paih, tia thuchah hlauhawm tak mai sawichhuah vangin Kiim Kardashian chuan tawngkam na takt ak hmanga beih a tawk nasa hle.
Reality TV star hian slim deuh zaiha a awm theihna tur hian chona namen lo a hmachhawn tih a sawi a, chaw nghei tawp lamin inthununna khauh tak hnuaiah a kun, a ti bawk.
Met Gala neih zawh takah a thawmhnaw hak hi 1962 kuma US President John F Kennedy pianchampha phak puala ‘Happy Birthday’ hla a sak tuma Monroe-i hak kha a ni.
British Dietetic Association-a an hotu pakhat Nichola Ludlam-Raine chuan a thusawi duh dan chu midangte tana harsatna nasa tak thlen thei, a ti. Kar thum chhung leka kg 7.3 hloh chu thil ni thei tak takah a ngai lo.
Tui leh glycogen chauh ringa khawsa a ni thei a, sugar leh carbohydrates tamna ei a, ein loh chuan rihna hi a hniam viau thei tho na a, hengte hi ei leh ina lakluh leh a nih chuan rihna pangngai emaw a aia nasa zawkah a chho leh mai thin.
“Kardashian-i thusawi hi hlauhawm tak a ni a, taksa rihna tihhniam tum mek te tan thuchah ‘den’ tak a ni thei a, a dik lo hul hual,” a ti.