Aizawl: Dr. Vanlaltanpuia, MLA, Chairman, Mizoram Youth Commission chu IIM, Shillong Director, DP GOYAL nen an inkawm.
Nimina MYC chairman leh IIM Shillong director inkawmnaah hian Mizo thalaite tana hmasawnna tur kawng pawimawh tam tak an sawi dun a ni a. Dr. Vanlaltanpuia chuan Mizo thalaite mamawh kawng hrang hrangte sawipuiin IIM Shillong chu thawhpuiah a sawm a ni.
An inkawmnaa Mizoramin skill training an mamawh tak hmuchhuak tura skill gap research nei tura thawhho chungchang te, Mizoram sorkar hnuaia hnathawk officer leh tual chhung thalaite tana IIM Shillong-a training buatsaih chungchang leh Mizo thalaite thiamna ril zawk zir tura an intuai hriam nan Super 10 programme emaw buatsaiha chumi hnuaia Mizo thalai 10-te chu IIM-a training thei tur a intuai hriamna neihpui chungchang te an sawi.
IIM Director leh Research Team-te hi reilo teah Mizorama lokala MYC nena thawhhona nei tura meeting neih leh an tum bawk.