Royal Challengers Bangalore in a zawna vawi thum an tlawm hnuah playoff khelpha turin beiseina an tinung a. Over hnuhnung lama Josh Hazlewood leh Harshal Patel ten an vawm that avangin run 13 in Chennai Super Kings an hneh.
CSK in ball 30 atang chak turin run 56 an mamawh laiin wicket 6 an la nei a, mahse over hnuhnung panga atang run 25 chiah an siam bakah wicket thum an hloh.
Harshal-a’n Moeen Ali leh Ravindra Jadeja te wicket a lak a pawimawh a. Hazlewood-a’n CSK tawp khar thiam MS Dhoni wicket a la thung.
CSK in over 20-ah run 160 chauh an siam a. RCB in over 20 atanga wicket 8 hloh a run 173 an siam chu run 13 in an pha lo.