UFC 274-ah Charles Oliveira chuan lightweight huangah ani aia tha an awm lo a ni tih a lantir nawn a. Round hmasa berah amah chotu Justin Gaethje chu submission hmangin a hneh.
Phoenix, Arizona a inelnaah Oliveira hian inelna hma in 155 pounds rihna huanga inlan turin a tling lova, a rih lutuk avangin a champion kawnghren kawllai chu UFC in an hlihsak.
Brazilian fighter hi UFC champion ni lai inelna hmachhawn hma a title hlihsak hmasak ber a ni a. A khingpui Gaethje hian hnehna chang se champion thar a ni thei dawn.
Gaethje hian inbeihna hmuhnawm takah Oliveira hi vawi hnih ti tlu hman mahse a tawp a khar thei lova, Oliveira in a thiamna hmangin insiamtha in chhuatah Gaethje a rek tlawm.
A zawna vawi 11 chak tawh Oliveira chuan, “Champion lai hming hi Charles Oliveira a ni a, he rihna huangah hian tu tan pawh hlauhawm ka ni. Champion ka ni a, hei hi ka title a ni a, ka kawng a awm tur a ni.” tiin champion a nih thu a sawi a. Champion hlui Conor McGregor a cho zui bawk.
Esparza-i’n a barakhaih
Co-main event-ah Carla Esparza chuan vawi hnih hmeichhe strawweight champion ni tawh Rose Namajunas chu split-decision in a hneh a. Kum 34 mi hi a vawi hnihna atan women’s strawweight huangah a champion.
Bout dangah UFC chanchin a knockout ropui ber zing ami ni turin Michael Chandler chuan Tony Ferguson round hnihnaah ‘front kick’ hmangin chiang takin a knockout.