Central YMA leh Cricket Association of Mizoram buatsaih Inter Branch YMA Cricket Tournament chu a hmawr bawk a hnai a. Vawiinah team pali in final luh an inchuh dawn.
Inrinni khan quarter-final hnuhnung khelh niin inkhel hmasa zawkah Chaltlang Branch in wicket 6 in Chanmari Branch an hneh.
Chaltlang tan Mizoram senior team bowler rinrawl Bobby Zothansanga chuan wicket thum la in run 47 a siam.
Inkhel hnuhnungah Durtlang Branch in wicket 9 in Armed Veng an hneh a. Durtlang tan Zothanzuala (45) leh Lalhruaizela (25) te inkawp an thawh hlawk.
Vawiin inkhel hmasa zawkah Ramhlun Venglai leh Hunthar an inkhel anga, chawhnuah Chaltlang leh Durtlang an inkhel leh ang.