India ramah darkar 24 liam ta chhung khan coronavirus kai mi 2,288 hmuh chhuah leh hman niin mi 4,31,07,689-in an kai tawh.
Union health ministry-in a chhinchhiah dan chuan hri kai enkawl lai pawh tlahniam leh hretin mi 19,637 an la awm mek.
Darkar 24 liam ta chhung hian mi 10-in hri leng hi thihpui leh hmanin mi 5,24,103-in an thihpui tawh.
Hri kai enkawl lai hi a kai hmuh tawh zawng zawng zat atanga chhutin 0.05% an la ni a, 98.74% erawh enkawl dam an ni tawh tih ministry chuan a tar lang.
Darkar 24 liam ta chhung hian a kai hmuh chhuah thar aia enkawl dam an tam zawk avangin enkawl lai hi mi 766-in an tlahniam leh hman a ni.
Darkar 24 liam ta chhunga sample endik zinga 0.95% chuan an kai tih hmuh chhuah niin chawlhkar khat liam ta chhunga endik zinga 0.82%-in an kai bawk.