EDITORIAL 12/5/22

State dangte tan pawh kan ram rorelna sang hi entawntlak a ni

Mizoram Legislative Assembly chuan a kum 50 tlin, Golden Jubilee chu a lawm mek a, hemi pual hian thawhlehni khan special assembly neih a ni bawk. Hemi tum hian Mizoram Larsap chuan Mizoram Assembly a rorelna kalpui dan chu parliament tan pawha entawntlak a nih thu a sawi a, mawi a tih thu a sawichhuak hial.
Ni e, kum 50 chhunga kan chet dan leh khawsaziate hi a mawi a, Kristian rama tih atana mawi a la ni zel theite inchhuanna tham chu a ni. Chief Minister in rambuai kan nih hnua remna leh muanna nena kan kalchho leh theite hi state dang tan pawh inchhuanna tham a nih thu a sawite hi a dik viau.
CM Zoramthanga hian, state dangin Mizoram chu entawn tlaka an ngaihna dang leh mi sawi a hlawhna chu remna leh muanna a neih hi a nih thu a sawi a, khati khawpa rambuai ni si kum 30 chuang remna leh muanna tha em em, entawntlak a nei thei ta chu hlu a tih thu a sawi a; ‘Remna leh muanna’ chu mamawh ngawih ngawihtu India ram chhim leh hmar chhak leh thlang a thawn chhuak tur an nih thu a sawi bawk a ni.
Kan ram rorelna sangin kum 50 hmel a hmu ta hi a lawmawm a, mipuite pawhin kan ram hruaitu, helai hmuna thu tawhte leh an lokalpui tawh dan hrerengin lawmpui ila, roreltute pawhin dikna tan ngama, dik lohna hnawl ngam zel turin kum 50 hnu lamah pawh hian kal chho zel mawlh rawh se.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427