Premier League hmahruaitu Manchester City in Liverpool nen an inkarah point thum awm tir leh turin Wolverhampton Wanderers an sawp a. Midfielder Kevin de Bruyne chuan goal li a khung.
Nilaini zanah Premier League inkhelah Pep Guardiola pawlten hian hnehna an chan avangin khelh hnih an hmabak atang point li chiah champion turin an mamawh tawh a. Season nga chhunga a vawi li nan Premier League title an chawi ang.
Belgian midfielder in a goal khung hmasa ber tur bul tanin a tawp a khar bawk a. Leander Dendoncker chuan Wovles tan chhanglet thuai mahse minute 16-na, 24-na leh 60-naah a khung belh a. Minute 84-naah Raheem Sterling chuan goal khat dang a khung.
City tana chanchin lawmawm lo awm erawh Fernandinho leh centre-back Aymeric Laporte te inhliam avangin lakchhuah an ngai a. Tunhnaia City in an tlarhnung a inhliam an neih leh thin chu a la kal tluang zel a. Ruben Dias, John Stones leh Kyle Walker te an inhliam bakah Nathan Ake a fit lo bawk.