Fashion inpui Louis Vuitton chuan Indian brand ambassador hmasa ber ni turin Deepika Padukone a ruat fel.
French luxury inpui ni bawk hian an kutchhuak Dauphine bag hmel thar atan Emma Stone leh Chinese actor Zhou Dongyu rualin Deepika hi an lalut.
Thuchhuah an siamah Maison nena inlaichinna leh thawhhona thak tak kal zelah award-winning actress hian Louis Vuitton nen zinkawngah bung thar hlimawm tak a keu ta a ni, an ti.
Kum 36 mi hi tunhma lam pawh khan Louis Vuitton incheina leh bag te nen puipunna leh fianrial angah pawh hmuh a ni fo tawh thin a. 2022 khan Deepika hi he label tana campaign-ah Indian actor hmasa ber a lo ni tawh nghe nghe.
Hetih lai hian, Deepika Padukone hi 75th Cannes Film Festival lo awm turah India aiawhin jury member atan ruat a ni a, member pariat awmna jury hian film review leh lawmman semna thlengin an kalpui ang.