Kuhva rah ro tawlh hi kan buaina a la ni zel dawn!?
Khawchhak lam, a bikin Myanmar lam atangin kuhva rah ro tawlh luh a hluar hle mai a, buaina leh harsatna hrang hrang a thlen phah nasa in, mi tam takin eizawnna an neih phahna niin an sawi ve bawk a. Sorkar pawhin chhuizui leh enzui a tum thu sawi mah se, vawiin thlengin he kuhva ro tawlh hi a la tawp lo thung a ni.
Mizoramah, a bikin Mamit district leh Kolasib district huamchhungah kuhva huan neia eizawng an tam hle a, Mamit district-a Tripura leh Assam ramri hnaiha awm te chuan ching nasa zualin, an eizawnna chu kuhva huan siam a ni fur hlawm. A hlawkna pawh an tel nasa hle a, mahse Burma lam atanga kuhva rah ro tawlh hian an nun a tihbuai phah fo thu an sawi thin. Sorkar lam atangin chhanna an hmu lem lo.
Hachhek Bial Kuhva Chingtu Pawl (HBKCP) chuan Central YMA in kuhva rah ro tawlh hi dan anga sumdawnna ni tura kalpui an duh nia sawiin, tha lo an tih thu an sawi a. CYMA lam hian an dinna leh tumna hi sut leh thuai se an duh thu an auchhuahpui hial.
Hetiang teh nuai hi kan ram dinhmun a la ni a, he kuhva rah ro tawlh hmanga in la milian tak tak an awm teuh tawh bawk. Godown lian tha fe fe neih phah an awm nual tawh bawk a. A ram leilung fate chhiat theihna tur a nih hre miah lo a, mahni awmhmun, a ler atanga thuai kan lo tum ve ngawt a nih chuan a fuh lo hle ang. Sorkar bawk hian chet chhuah a, a tul anga hmalak thuai thuai a va hun tawh em.