aIZAWL: ZPM thalai hnuaia Entrepreneurship, youth empowerment and development department-in nimin khan ZPM thalai pisa-ah Entrepreneurship and handholding livelihood programme an buatsaih a. ZPM thalai president Malsawmzuala Ralte-in “Rualkhai taka mitin thleng phak politics khelh a tul tawh hle” tiin, a huhova hmasawn a tul thu a sawi.
ZPM thalai president chuan ZPM thalai ten an phâk tawk chinah ramin hma a sawna, rorelna dik leh fel, thalaite thleng phak a awm ngei theihna tura ke an pen thu sawiin, “Politics-ah hmai hnih neih a thiang lo” a ti a. “Kan nunphung pangngai tho, kristian kan nihnate, inkhawm thin, tawngtai thin, khawtlanga inhmang thin kan nih angin, kan rilru puthmang pangngai nen politics kan khel mai tur a ni”, a ti.
Thalai lehkha zir sanglote pawh mahni inhaikaw thei an tam thu sawiin, ZPM thalai president chuan hun remchang/opportunity erawh a van hle thu a sawi a. “Thalaite hi dem ngawt tur kan ni bik em, hun remchang nan fuh tur a awm loh vanga awlthawng ta viaua lang, thatchhe ta viaua ngaih kan ni fur zawk ang em”, a ti bawk.
ZPM thalai pisa-ah Entrepreneurship and handholding livelihood programme-ah hian ZPM party secretary zing ami Jimmy Laltlanmawia’n thalai kalkhawmte hnenah zirtirna a pe a ni.