Kum tam tak chhunga Golden Boot dawng tura intlansiak rang ber a thleng mek.
Lionel Messi chu hmahruaitu a ni a, vawi hnih khelh atangin goal nga a khung a. Kylian Mbappe leh Erling Haaland te chu pahnihna niin goal li ve ve an khung tawh.
World Cup chanchina vawi hnih khelh zawha player pathumin vawi li emaw, a aia tam emaw goal an khung vawi hnihna chauh a ni a, kum 1954 hnua a vawi khatna a ni.
Football-in a hmuh tawha forward tha ber berten hun rei lo te chhungin goal an khung mawlh mawlh a. Messi-a chu Austria laka goal hnih a thun hnuah World Cup-a goal thun tam ber a ni thar.
Mbappe-a pawhin France tana a inlan vawi 100-naah Iraq hnehin goal hnih a khung bawk.
A hnu lawkah Haaland-a hun a thleng a, Norway chu Senegal lakah hnehna chanpuiin goal hnih bawk a thun leh a, a thiam 32 zingah an inhlang kai.
Thawhlehni zan khan England-in Ghana hmachhawnin khelh hmasaka Harry Kane-a’n goal hnih a thun a belhchhah em hriat hman a ni lo.
Inelna hi Germany striker Miroslav Klose-a World Cup-a goal khung tam ber ni chunga tan niin goal 16 a khung.
Vawi hnih khelh tawhah kum 38 mi, Messi chuan World Cup-a vawi 28 a khelhah goal 18 thunin hma a hruai ta thung a, Argentina goal nga khungte chu ama thun vek a ni.
Mbappe a hnufual bik lo va. Frenchman hian Klose umin goal 16 a khung tawh a, Golden Boot vawi khat aia tam la thei hmasa ber ni turin a inchhawp hnai zel a, Messi-a goal khung zat pawh khum thei a ni.
Manchester City goal thun khawl, Haaland chungchang bikah World Cup chanchina goal thun tam ber nih chu a la hla deuh mai thei a; mahse, tuna a goal thun ang zat bi zela a kal chuan nakin lawkah chuan a umphak lo vang tih a sawi theih loh.
Kum 25 mi hi World Cup-a a inlan hmasak ber pahnihah goal khat aia tam khung thei player parukna chiah a ni a, Norway tan vawi 52 a khelhah goal 59 a khung tawh.
Tournament tana inkhel hmasa ber atangin forward tha ber berten record an thiat mawlh mawlh a. World Cup-a goal thum tama hmahruaitu, Messi-a bak thil dang pawh a awm.
Mbappe chu France tana goal khung hnem ber a ni ta a, Haaland chu vawi hnih chauh la khel mah se Norway tana World Cup-a goal khung hnem ber a ni der tawh a. Kane-a’n England tana Gary Lineker-a World Cup record siam a khum tawh bawk.
An vai hian France forwar Just Fontaine-a record, kum 1958-a tournament pakhata goal 13 a khung chu khum thei dinhmunah an ding mek vek.
Player pathum chiah – Fontaine, 1970-a Germany tan Gerd Muller leh 1954-a Hungary tan Sandor Kocsis te chian World Cup vawi khatah goal 10 thun tling thei an la awm.
He list hi tun tournament tawpah belchhah a ni lo vang tih sawi theih a ni lo.
Team 48 awmna a nih avangin inkhel a tam a, goal lut pawh a pung dawn a. Rank hniam zawk team tam zawk an awm avangin khawvela striker langsar leh tha ber berte tan chuan record siamna hun tha tak a ni thei a ni.
World Cup champion pawhin a hma aiin vawi khata an khelh tam a ngai dawn – goal khung theihna remchang a pung lo thei lo a ni.