Formula 1 thuneitute chuan kumin a Russian Grand Prix an tlan loh tur chu intlansiak dangin thlak an tum lova, kumin calender-ah intlansiak 22 an tlan ang.
Russia in Ukraine an run avangin F1 hian Sochi a a buatsaih thin Russian Grand Prix chu an thulh a. Qatar a intlansiak buatsaih leh emaw Singapore a vawi hnih intlansiak buatsaih emaw in a hun hi hnawhkhat tura ngaihtuahna a awm hman.
Mahse F1 hotuten ngaihtuahin intlansiak rek belh aiin intlansiak tlem zawk tura calendar siamrem mai kha tha an ti zawk.
Intlansiak tlem zawk hi team tam tak tan thil lawmawm zawk a ni dawn a, thawktute tana a hahdam zawk bakah team tan budget khuahkhirhna karah senso a tlem zawk dawn.