Paris Saint-Germain winger Angel Di Maria chuan tun nipuiah free transfer in Juventus a zawm dawn niin thu a thang mek.
PSG tana kum sarih inkhel tawh Di Maria hian tun season zawhah contract a neih a hmang zo dawn a, club lamin ziah belhpui an tum tawh lo.
Kum 34 mi thla tharah free agent a ni dawn a, Allianz Stadium-ah Juve in kum khat contract tha tak an pe dawn niin media ten an sawi.
Juve contract pek turah hian season khat dang ziah belh theihna a awm a, tunhnaiah inbiakna kalpui a ni tawh a, Thawhtanni atang khan inremna neih hnaihin tihfel thuai tura ngaih a ni.
Kum 2015 a Pound maktaduai 44 a Manchester United atanga an lei Di Maria hian PSG tan match 294 khelin goal 92 a khung bakah midang khung tur vawi 118 a siamsak.