Aizawl: ZPM Leader Lalduhoma’n nimin khan Zawlnuam |huampui venga vantlang inkhawmah mi thar lawm lutin, party ni lova policy-a rinawm tura lawm lut a nih thu a sawi.
Lalduhoma chuan, “Mizoram tihsual chu party-a rinawm tura kan inzirtir hi a ni, ram hruaituten ram an phatsan chuan kan bânsan hmak tur a ni a, policy pen bosantute tui lo chunga zui hi mipuite bat a ni lo,” a ti.
ZPM Leader Lalduhoma chuan, “Ram leh mipui tana intiamna hlen lo kan zui reng hian ram kan tichhe tlâng a ni,” tiin, a tha zawk zawng thlanga, ramhlui zia paiha kalphung thar mipui sorkar siam tur a tul thu a sawi.
Lalduhoma chuan khawthlang Langkaih ruamah vawi eng emaw zah policy a aupui tawh thu sawiin, “Kan sawi leh dawn, kan kal thui ta, kan kal zel chuan thlen hun kan nei ang,” a ti a. Ram tana beidawngte beiseina awmchhun an ni ta nia sawiin, “Keini chuan mipuite kan tibeidawng thiang lo, kan kalna apiangah mite thinlung min hnehsaktu a awm; chuvangin, mihring mai hi chu chapo thei kan ni lo,” a ti.
Zoram dung leh vangah politics-a harh tharna a thleng niin Lalduhoma chuan a sawi a. “Mipuiten session kan ngaihvena, kan ram kan vei a, MNF ni lo, Congress ni lo, mipui sorkar din kan duh tawh a ni,” a ti.
ZPM leader chuan MNF hotute rorel dan a mak hle nia sawiin, an party worker-te ngei pawh an hruaitu bawr kal dan avangin an rilru a na niin a sawi a. “Rorel lai party an nih avangin nakum inthlanah candidate tha tak tak an rawn nei leh mai thei; amaherawhchu, hruaitu en ila, chief minister atana kan duh ber party candidate vote mai turin ka ngen takzet che u,” tiin kalkhawmte chu a chah bawk.