Tata Safari lo chhuak avangin hian Harrier hi a chul mai ang tih a hlauhawm viau laiin Tata chuan a chi thar tha tak mai an rawn tichhuak leh a. Tata Harrier line up a rawn ti hausa leh ta sawt mai.
Tata Motors chuan boruak hmasa em em loin an SUV nalh tak mai Harrier chu a huang an rawn zauh a, XZS variant an rawn belh thar a, XZS hi Rs. Nuai 20 man niin hei bakah hian XZS dual tone chu Rs. Nuai 20.20 man niin XZAS dual tone chu Rs. Nuai 21.50 man a ni thung a ni.
Tata Harrier XSZ hi Harrier variant-ah chuan XZ leh XZ+ inkarah a awm dawn a. Kan tarlan tak bakah khan XZS leh XZAS ah hian dark edition a awm bawk a ni. XZS dark edition hi Rs. Nuai 20.30 man niin XZAS dark edition hi Rs. Nuai 21.60 a ni thung a. XZAS pangngai hi Rs. Nuai 21.30 a ni thung a ni. Heng a man tarlan tak te hi ex-showroom, Delhi man mil a ni.
A hmaa lo chhuah tawh XZ nena khaikhin chuan XZS hi Rs. Nuai 1.25 atang 1.30 bawr velin a to a. A variant changkang ber XZ+ aiin Rs. 35,000 velin a tlawm zawk.
Ken tel
A thil neih ho zingah hian 17-inch dual-tone alloy wheels, 6-way adjustable driver seat, panoramic sunroof, adjustable lumbar support leh auto dimming IRVM te a tel a. He variant hian iRA connected car technology leh ventilated front seat XZ+ variant hoa awm ang chu a nei ve lo thung a ni.
A kentel dang lehah chuan Xenon HID projector headlamps, 9-speaker JBL sound system, 8.8-inch touchscreen infotainment system, wireless Android Auto leh Apple CarPlay awm tel, rear parking camera, airbag paruk bakah AC, wipers, and headlamps te automatic a ni dawn bawk a ni.
A khawl
A khawl lamah chuan inthlak a awm lemlo a. Tata Harrier variant thar hian 2.0 litre diesel khawl 170PS power leh 350Nm torque pechhuak thei a hmang a. Transmission lamah chuan 6 speed manual leh automatic duhthlan tur a awm leh bawk a ni.
Report thenkhatin an tarlan danin Tata hian Harrier hman turin 1.5 litre turbo petrol khawl an tichhuak dawn a, hei bakah hian ADAS (Advanced Driver Assistance System), 360 degree camera, infotainment system thar, electronic parking brake, fully digital instrument cluster leh ambient lighting te pawh a la awm chho tura beisei a ni a. Hei erawh hi chu company atangin thuchiang zawk te pawh la ngaihchan a chi awm e.
Tata Safari lo chhuak avangin hian Harrier hi a chul mai ang tih a hlauhawm viau laiin Tata chuan a chi thar tha tak mai an rawn tichhuak leh a. Tata Harrier line up a rawn ti hausa leh ta sawt mai a, market lamah pawh Tata hian an chetthat pui chho viau turah beisei ila.