Game 1-ah kim lovin an khel a, anni aia chawlh hahdamna hun nei hnem zawk Miami Heat in second half ah an tlansan. Game 2-ah erawh Celtics an tho chhuak a, 127-102 in Eastern Conference finals-ah an chak.
Zirtawpni zingah Celtics hi inkhel tan tir lamah point 10 in hniam hman mahse an coach Ime Udoka chuan a player-te a fuih harh a, chungnung taka khel chhunzawmin hnehna chiang takin an chang.
Jayson tatum chuan point 27 score in Marcus Smart leh Jaylen Brown ten point 24 ve ve an score a. Grant Williams chuan point 19 thawhin nidang ang bawkin Celtics defense an che tha hle a. A tawp thleng inkhel an thunun.
Udoka chuan, “Tlawm lakna hi kan nei vek a, game 1 thil thleng avang khan tun tumah tlawm kan tum lo bur a ni.” tiin a sawi.