Virat Kohli-a’n tunhnaiah a chet lansarh hleihtheih loh a bansan a, tun IPL a run a siam hnem ber tum hmangin ball 54 atang run 73 a siam a. League hmahruaitu Gujarat Titans wicket 8 in an hneh.
Royal Challengers Bangalore in run 170 an siam a, Faf du Plessis chuan an tan run 44 a siam bawk.
Titans tan Hardik Pandya chuan an innings tawp lamah ball hlap chiam mahse a run 62 siam a tawk zo lova, run 168 bak an tlin lo.
Chak tura run 169 mamawh RCB tan Kohli leh Du Plessis ten bul an tan tha hnuah Glen Maxwell chuan ball 18 atang run 40 siamin hneh takin a tawp an khar.
RCB tan palina beisei la awm mahse an hnuaia awm Delhi Capitals chu Mumbai Indians laka an tlawm a ngai.