Fiona Pachuau music video thar “Man a lei”, Dr. Albert Vanlalliantluanga phuah chu zanin hian Zonet cable TV leh MDM YouTube channel-ah tlangzarh a ni ang.
He music video hi tunlai technical thiamna changkang tak inzep nualin a hla satu Fiona hi hmanlai Isua hunlai a awm ve tak tak ang tur ber a siam niin a music video siam chhung ringawt pawh hi thla sarih chuang a ni.
Music video hi Projek_liantluang, owner Dr.Albert Vanlalliantluanga hnuaiah siam niin Production Manager Jh Lallungmuana chuan theih tawp chhuahin hma a la bawk a, tunlai a band lar thar Faktu a member thenkhat Betea, Bka leh Jh Lallungmuana te bakah gospel singer zaithiam tak leh aw fit em em Angaihtei leh kraws-i ten background vocals zahpuiawm lo tak nen an pui.
Sound track pawh Lal K Sailova’n nalh mangkheng a siamsakin ngaihthlak nuam leh hnip zaihin Asafa recording Studio chuan voice an tihsak bawk a, hengte avang hian Mizo Rimawi ngaina tan chuan a hlu em em dawn a ni.
He MV hi Mizo christian Love story movie OST tur a ni a, a story, a changtu leh siam dan tur pawh ruahman chhoh mek zel a ni.