Tute mai pawh hi engtikah emaw tak hi chuan kan zak ngawih ngawih vek. Chhas leh star te bulah kan zak em em a, kan lai tût thin. A hahthlak ru angreng.
Thenkhatte chu mipui pungkhawm zingah pawh engmah hre lo ang maiin inring tawk takin an pen theuh theuh thei a, chutih laiin chhungkaw member zingah ngei pawh ding tha ngam lo hi tam tak an awm bawk. A manganthlak a, zahzum luutk vanga nih tur ang ni pha lo, thlen tum ang thleng thei lova, indawmkun zingah i tel palh hlauh ang e. Heng te hi i hre reng dawn nia.
ENGVANGA ZAKZUM NGE I NIH HRECHIANG RAWH
Entirnan: I lan dan (cher, thau, tawi, adt.) kha tu emawin an sawi i hlauh vangte a ni em? Hei hi hria la, thil reng reng i chhan letna hian nangmahah nghawng tha leh tha lo a thlen tih hi.
ZAK LO ANG MAIIN CHE RAWH
Nangmaha i awmin, inzi mar la, i âwm tlemin tipoh bawk la, hahdam takin kal rawh le. I tawng pawhin chiang fekfawk tak ni bawk rawh se. ‘Ho mai mai’ i ti pawh a ni thei, mahse mipui hmâa i awm chiah khan ‘result’ a lo lang mai dawn a ni.
MIT AH TAK EN TUM LA, NUIHSANG TUM RAWH
Hmelhriat lem loh pawh, remchang a awmin, ti ti pui la, khawchin te sawi la, tunlai thil thlengte pawh ti tipui thin ang che.
A THA BER HMUH TUM RAWH
Mahni leh mahni inchik (inhmuhfiahna)-a hi thil a tha lam chauh en tum tlat sawina a ni a, chuti lo chuan mahni inmawhchhiatna leh mawhpuhna nun-in a bual mai ang che.
A CHHER BER DAWN RAWH
Tu emaw i hmachhawn khan, ‘Aih’ an ti mai thei a, an kalbo daih thei bawk. Zep thu a cheng lo, engtik lai/hun ah emaw hian tu te pawh hian hnar kan tawk thin. Mahse, tihngaihna vak a awm chuang hran lo!
EN LA, ZIR RAWH
Zakzum ve lo leh boruak ngam ve tak, I thiante emaw i hmelhriat ngai lohte kha en fo la, engemaw tak zirchhuah tum bawk ang che.
IN HMU CHHE NGAI SUH
Chi-ai tur bik i ni lova, hlim taka awm ve tho tur i ni. Hei erawh hrereng la, tunge i nih avanga nangmah rawn nel/kawm duhtute kha i tan an pawimawh ber tih hi a ni, an pawimawh tak zet.