Aizawl : Mizoram University-a Department of Forestry-in loneitute tharchhuah a pun zel theih nan leh an thlai thar te man man zawka an hralh theihna turin Aizawl district-a khaw pali – Tanhril, Sakawrtuichhun, Tachhip leh Muallungthu-ah te innovative integrated farming models scheme an kalpui.
He scheme hi Tribal sub plan (TSP) scheme, Department of Science and Technology, New Delhi hnuaia kalpui niin, Project Investigator Prof. Shri Kant Tripathi chuan heng khaw palia loneitute an kawm tawh thu leh training te an pek tawh thu sawiin, loneitute chu an inhawngin, an inpe zo hle niin a sawi.
Loneitute chu a scheme tangkaina leh an hlawkpui theih dan tur te sawipui an nih thu Prof. Tripathi chuan a sawi a. An scheme chu a hlawhtling chho nia an hriat thu sawiin, khaw pali an tlawh te chu a thawhkhatna chauh a nih thu leh he hmalakna hi Mizoram puma la kalpui chhoh zel an tum thu a sawi bawk.