Aizawl: Law & Judicial Minister T.J. Lalnuntluanga chuan Champhai Tuipui khuaa Boxing Hall sak mek chu tlawhin a enfiah.
T.J. Lalnuntluanga chuan Mizoram Boxing inpui tia hriat lar, Tuipui khuaa hall changtlung tak nei tura hna bul tan a ni ta chu lawmawm a tih thu a sawi a. |halai infiammiten tangkai taka an hman ngei a beisei thu leh hnathawktute pawh neitu rilru pua tha taka hna thawk tura a beisei thu a hrilh.
Tuipui Hall sak mek hi Shyama Prasad Mukherjee Rurban Mission (SPMRM) leh MLA Fund tangkawp (convergence work) hmanga thawh niin, SPMRM atangin Rs. nuai 40 leh MLA Fund atangin Rs. nuai 10 senga thawh a ni a. A dung feet 86 leh a vang feet 36-a zaua sak tum a ni a, a liang (beam) san zawng hi feet 20 tura ruahman a ni a. Kumin chhunga hna hi thawh zawh hman beisei a ni.