Cannes Film Festival neih mekah nimin piah khan red carpet-ah tunge a nih hriat loh hmeichhe pakhat chu kawr engmah ha lovin a tlanlut a, ‘pawngsual duh lohna’ thuchah a auchhuahpui.
Geroge Miller-a film, ‘Three Thousand Years of Longing’ film tihchhuah laia thil thlengah hian ‘Min pawngsual bansan rawh u’ tih thupui nen a auchhuak a, a taksaah hian Ukraine flag (Blue & yellow) ziakin a kal kual a, security lamin pawn lamah an rang takin an chhuahpui nghal.
He thil thleng hian Ukraine buaina nep lohzia leh manganthlakzia Cannes thlengin a chawlut tihnaa ngaih a ni a.
Hemi hmalamah Ukrainian President Volodymyr Zelensky chuan festival khuhhawnnaah thuchhah sawiin, Russia chetna dodal turin a ngen.
“Vawiina cinema hian ngawih a chuh lohzia tichiang turin Charli Chaplin thar kan mamawh,’ a ti.