Tlangzarh hma hauh atang tawha hit rem rem tura ngaih leh thawm ring tak nei ni bawk ‘Dhaakad’ film chuan beisei a pha lo mai awm mang e, tih theih turin ni hnih chhungin thil ropui a ti thei lo tlat.
Bollywood superstar Kangana Ranaut channa, action-drama pui tak hi May 20 khan tlangzarh niin, Arjun Rampal leh Divya Dutta te’n hmun pawimawh an chang. Full action, drama leh stunt pui tak tak hmuh tur a awm lai hian thu a saisa nawk mai.
Mi tam takin hmuhnawm an tih laiinn, critics lam erawh an beidawng chiang hle. Social media-ah thu inchuh a na nghal hle. Storyline sawisel tawk an awm a, action ‘over’ mah mah nia ngai an tam. Mixed review-in a khat a ni deuh tawp.
Kangana hian lemchan khawvelah mai ni lo, social khawvelah te thlenga thawm nei lian leh ‘frank’ tak taka thu sawi thin a nih vangin amah hrim hrim pawh hian ngaihven a hlawh em em tawh. A fialm siam tawhte pawh a larin, National Award pawh vawi li lai dawng tawh a ni nghe nghe.
Nimin Pathiannia ‘Dhaakad’ film dinhmun hian thui tak a hril dawn a, chanchin buatsaih lai hian sum leh pai hmuhchhuah zat tarlan a la ni loh avangin a dinhmun tur dik tak sawi chian a harsa rih.