BLACKPINK chuan tunhnai khan K-pop traine an nih chhung zawnga pressure namen lo an tawnbuak thu an sawi a, mental health chungchangah agency lam atanga class an neihpui thin chu an hlawkpui lo, an ti tlat.
Rolling Stone-in a kawmnaah member pali te chuan, rimawi khawvela an zuanluh hmaa K-pop trainee an nih dan hautak leh harsat tak an bun ruak a, YG Entertainment-in mental health thila zirtirna an pek chu an hlawkpui hran lo.
“Harsatna ngai bawk kan nei a, inzirtir vak aiin, sawipuitu neih a, sawiho hi a tha zawkin kan hria,” tiin Jisoo-in a ti.
Rosê chuan, “Hun khirh leh hrehawm tak ka tawng a nih chuan bathroom-ah tlan lutin, rilru zawng zawngin ka tapchhuak mai zel,” a tih hnu ah ‘autopilot’ ang deuha a inngaih thu te bakah a K-pop star ni tura zinkawng harsa leh hautak kha zawh leh tur ni se, a peih tawh loh tur thu a sawi bawk.
Training an neih chhhung zawng hian solo angin emaw group anga an inlanna te chu thil awlsam tak a in reng reng lova, thlatin test hautak em em an hmachhawn reng bawk a, agency-a inham tang reng tur chuan inthlahdah palh zeuh pawh a pawi.
Jennie pawhin”Thlatin maiin kan thiante an chhuak zel a, an haw reng mai han hmuh chuan kan tawt ut ut zel mai a, kawng awlsam a ni lo.. kan tuar tlawk tlawk mai ze,” a ti.
Lisa phei chu hnam dang a ni a, ram hla tak atanga kal a nih vang leh boruak thara rualrem taka luh chu thil harsa lehzual a tling. Thailand nula hian K-pop system a paltlang lo lek lek fo.
“Thailand-a awn ka nu ka phone a, bansan mai ka duh thu ka hrilh te hian ‘kum khat dang chu ti leh hram hram la, tuar hram hram rawh’ tini min fuih thin,” a ti ve bawk a ni.