Aizawl : AMC Ward XVI bialtu councillor R. Lalawmpuii’n a biala zirna in pahnih – Govt. Central HS, College Veng leh Govt. Bethlehem Vengthlang P/S II-te tlawhin, water cooler a pe a, Govt. Bethlehem Vengthlang P/S II-ah parents-teacher meet a hmanpui nghal.
R. Lalawmpuii chuan zirnaah P/S chu a bulṭhut a nih avângin a pawimawh ber a nih thu a sawi a. Private sikul fee sang tak taka indah ngai lova mipui tam zawkin sorkar sikul an pan duhna tur khawpa sorkar sikul thuamṭhat chu a thil vei a nih thu leh hemi kawngah hian zirtirtu ten mawhphurhna sâng tak an neih thu a sawi bawk.