Sorkar school in hmasawn zual zel rawh se
Mizoram Middle School Teachers’ Association (MSTA) in Silver Jubilee an lawmna a hmanpuinaah Education Minister chuan sorkar school-ah zirlai an pun thu leh hmun thenkhatah phei chuan dawhkan siam belh a ngaih hial thu a sawi a, thu hriat nuam tak a ni.
Sorkar school-ah zirtirtu thiam tak tak leh paltlang ngai zawng zawng pangtlang a, mi tha an lak ruih ruih laiin naupang erawh an tlem zel a, manganthlak khawpin sorkar school a reh hman hial.
Hetih lai hian private school erawh a thang zel a, result tha tak tak neiin, naupangin an bawh nasa a, board exam thlengin an result tha hriat tur a awm reng ta bawk.
Tunah erawh sorkar school a lun leh tan nia hriat a ni a, education minister ber pawh a hmai a uang leh tan deuh niin a hriat bawk. Lun chhoin, hlawhtlinna hmu chho zel se a va tha em.
Zirna kawngah sorkar school dinhmun a hniam zel nia lang thin hi zirchian tham a ni a, thawk tha lo leh aikal lak chingte enzuiin, enfiah ngun lehzual se la, thawk tha duh lo na na na chu huaisen taka ban ngam pawh a tul tawh.
Minister hian sorkarin zirna in hma a sawn nana hma a laknain rah tha a chhuah a, sorkar sikulah lut duh an put thu leh hmun thenkhatah phei chuan an dawhkante siam belh hial a ngai tih a sawite hi a lawmawm a, hmasawn zawnga kal zel turin sorkar school dinhmun hi enfiahna nei uluk lehzual ngei teh se.