Aizawl: BJP Mizoram state President Vanlalhmuaka chuan union minister pahnih khan a kawmin, Mizoram mamawh hrang hrang a thlen.
Delhi-a cham mek Vanlalhmuaka hian Thawhlehni khan Bhagwanth Khuba, MoS for Chemical & Fertilizers, New & Renewable Energy chu a pisa-ah a kawm a. He hunah hian ni zung chakna hmanga Mizoramah power siam chhuah a tul thu leh a rang lama ni zung chakna hmang power a tam thei ang ber siam chhuak zawnga hmalak a tul thute a thlen a ni.
Union minister pawhin Mizoram a zin tuma Mizoram mamawh an lo thlen te an bawhzui mek thu a hrilh a ni.
Thawhlehni vek khan BJP Mizoram State President hian Ajay Kumar Mishra, MoS for Home Affairs chu a pisa-ah kawm bawkin, Mizorama dan leh thupek kenkawh a nih dan chungchangte, state ramri enkawlna chungchang bakah thil dang kaihhnawihte a sawipui bawk.
Vawiina BJP minister rualte an thutkhawm hunah a thu thlente chu sawiho atan leh a bik takin union home minister hnenah a thlen tur thu Kumar chuan BJP Mizoram president hi a hrilh a ni.