Aizawl : Champhai Kahrawt Veng leh Khuangthing khuaa Vawk engemaw- zat thi te African Swine Fever (ASF) kai an ni tih finfiah a nih hnuah Champhai Kahrawt Veng leh Khuangthing khuaa te hi Champhai district AH&Vety officer-in nimin khan thu leh awm hma atan Vawk hrilenna hmun ‘Infected Area’ ah a puang.
Vawk hrilenna hmuna nimina puan thar te nen Champhai district-ah Vawk hrilennaa puan khua/ veng 24 a awm mek a. Khua/veng 5 atanga sample lak result ngaihchan mek a ni bawk.
AH & Vety Department-in a chhinchhiah danin Champhai district-a ASF hrileng thawhhnihna kumin February ni 4 atanga hmuhchhuah a nih hnuah nimin thleng khan Vawk 2101 an thi tawh a, fimkhur thuah Vawk 2230 suat an ni tawh bawk. Nimin khan Champhai district-ah Vawk 31 thiin, 44 suat an ni.